Ekonomia sozial eta solidarioa eta berrikuntza soziala
LTC Incubator - Ekonomia Sozial eta Solidarioaren Mugaz Gaindiko Laborategia– EkoSoziLab
GEZKI, EHUren unibertsitate-institutua, 1984an sortua eta 1999an ofizialki onartua, Ekonomia Sozial eta Solidarioan (ESS) espezializatutako diziplina anitzeko zentroa da. Bere jarduera ikerketaren, prestakuntzaren, hedapenaren eta elkarlankidetzaren inguruan garatzen du, finantzatutako proiektuetan parte hartuz, ekimen akademikoak gidatuz eta Gizarte Ekonomiaren Euskal Behatokia (GEEB) koordinatuz Euskadin datu sozioekonomikoak aztertzeko. Bestalde, Centre Emile Durkheim, CNRSrekin, Sciences Po Bordeauxekin eta Université de Bordeauxekin lotua, hogei urte baino gehiagoko ibilbidea du soziologian eta zientzia politikoetan, ESSn eta lurralde-garapenean ikerketa-ildo sendoa du, Chaire TerrESS estatuko plataformarekin harreman estuan. Bi erakundeen arteko aurretiazko lankidetza oinarri hartuta, lankidetza indartu eta egituratzea planteatzen da, ikerketa-praktikako komunitate gisa sortutako mintegiak antolatuz, dauden harremanetan sakontzeko, baterako lanerako aukera berriak irekitzeko, truke akademikorako gune egonkorrak sortzeko eta, bereziki, gizarte-ekonomia eta ekonomia solidarioa ardatz duten mugaz gaindiko sareen barruan gazteen ikerketa-gaitasunen garapena bultzatzeko.
